香港花卉展2015

今次係我第二次去花展，對上一次都係幾年前既時，發現其實都係差唔多，

話就話有「主題花—跳舞蘭」，但係會場最多既係「蘭花」，

唔知係「蘭花」既品種多定係香港人鍾意，總之就周圍都係啦。

 

今年係「羊年」，所以用花整左群羊出嚟，個樣都唔錯，但係紫色既口有中毒FEEL。

 

會場有好多唔同既場景，裡面有花、草、裝飾，我最鍾意就係呢對雀仔。

 

「向日葵」一向比人既感覺都係開心、陽光、健康。

 

遠睇好似蝴蝶係度。

 

我最鍾意既「鬱金香」，呢幅仲係我既WALLPAPER添喎。

 

每年係場中間都會有一大片「鬱金香」，但係今年比我前幾年睇過既細左好多。

 

呢款花唔知叫咩名，但係我覺得都幾靚。

 

今年用花整既作品好多都好靚。

 

呢朵花好得意，中間好似有金咁喎。

 

紫色+白色感覺好浪漫好童話。

 

比較少見既「菊花」顏色。

 

好多不知名花，其實佢地應話插個牌比人知朵花叫咩名嘛﹗

 

呢朵係「桃花」定「櫻花」呢？

 

條裙都幾靚。

 

唔知大家覺唔覺得花辦裡面好似有字咁呢？

 

「玫瑰」好似好多時間都見到，但係係花展裡面一D都唔多。

 

呢朵就係今年既主角「跳舞蘭」啦。

 

睇睇下都覺得佢幾似一個宮廷女仔。

 

 

 

一個人去旅行@台北第五天

今日係第五日，夜晚就要搭飛機返香港囉。

 我去左大安森林公園，唔知大家有冇去過，而我係第一次去。

站內以四季為題。

 呢個公園都幾大，真係要行晒可能需要兩三個鐘，空氣好好行得好舒服。

我係第一次見真既松鼠，雖然有卡通裡面既咁得意，但係都好可愛。

仲有唔少雀鳥添喎。

 之後去左花博公園。

 本來諗住朝早去嗰個公園已經夠大架啦，點知呢個花博仲大，真係行到冇晒氣。

但係講真，我反而鍾意大安森林公園多D喎，可能係自然D，呢度好多嘢都係人工。

行到四點幾五點，係時候返酒店攞行李去機場。

 明明都未到登機時間，但係係都要人咁早去機場，一個人去旅行最難過既時候就係呢段，

困住係一個冇咩好睇既地方，又冇人傾下時間過得好慢，唯有係機場行嚟行去，

見到呢個介紹阿里山既展品，真係好想上阿里山呀~~~

 無端端有棵樹棟係度，咪行去睇睇，發現可以比人寫D類似心願呀、希望呀，

悶悶地又寫番個玩下。

 

呢個好方便，大家一睇就知咩年係咩生肖，唔錯唔錯。

一個人去旅行@台北第四天

第四日我選擇去淡水，今日天氣一樣好好，亦都係第一次去淡水係好天。

 

之前係酒店已經食左三文治(早餐)但係行過Dogut 見到好似好靚咁，都忍唔住買個嚟食。

 

呢個係咪好多人所講既耶穌光呢？

 

第一次見淡水好天。

 

呢間雪糕店好似都好出名，本來想試但係未開門，唔通我太早？

 

行行下見到小白露。

 

有時影張鏡中相都幾得意。

  

好天既紅毛城，樓紅D草綠D。

 

唔知點解有個小型紅毛城係度比人影相，更係唔可以放過啦！

 

本來係諗住去漁人碼頭，但係行到紅毛城已經好累，所以放棄冇去囉，下次應該係捷運站搭巴士去漁人碼頭，之後就行番出嚟紅毛城，行行下見到個個教堂都幾靚，仲有對新人係度影相，但係唔夠膽影佢地，因為唔係個個可接受。

 

連地板都有教堂個樣，幾勁！

 

行左成朝途中都買左好多小食食，想唔肥都幾難。

又買左一大堆黑糖，所以決定拎番酒店先再出去，目的地係南港捷運站，唔係要出站，只係係站入影相，影完就可以走，有咩好影？就係幾米啦~~~

 

係咪特別鍾意幾米？又唔係喎，不過我都睇過好幾本佢既書(繪本)，我覺得佢既書好特別，特別在唔同人睇完會有唔同既理解，因為其實佢字唔多，基本係以圖畫為主，所以每個人所睇既感覺都有所不同。